Ուկրաինայի հակամարտությունը և դրա հետ կապված հարցերը կլինեն Լյուքսեմբուրգում ԵՄ 27 երկրների արտգործնախարարների ծրագրված հանդիպման առանցքը։Ինչպես լրագրողներին հայտնել է ԵՄ բարձրաստիճան ներկայացուցիչը, արտգործնախարարները կքննարկեն, մասնավորապես, Կիևին ռազմական օգնության տրամադրումը, ԱՄՆ բանակցությունները Ռուսաստանի և Ուկրաինայի հետ, ինչպես նաև վերջինիս անվտանգության երաշխիքները։
ԵՄ խորհրդի նիստի երկրորդ հիմնական թեման լինելու է իրավիճակը Մերձավոր Արևելքում, այդ թվում՝ Գազայի հակամարտությունը և Սիրիայում տեղի ունեցող զարգացումները։Եվրոպացի դիվանագետի խոսքով՝ Ուկրաինայի արտգործնախարար Անդրեյ Սիբիգան ավանդաբար տեսակոնֆերանսի միջոցով կխոսի նախարարների հետ՝ նրանց տեղեկացնելու ճակատում տիրող իրավիճակի և Կիևի առաջնահերթ կարիքների մասին։
«Այնուհետև նախարարները կքննարկեն ժամանակավոր՝ 30-օրյա հրադադարի և Միացյալ Նահանգների միջնորդությամբ խաղաղ բանակցությունների հետ կապված վերջին զարգացումները:
Ակնկալվում է, որ նրանք կքննարկեն նաև ԵՄ ռազմական աջակցության ավելացումը, ներառյալ՝ զինամթերքի վերաբերյալ ԵՄ դիվանագիտության ղեկավարի նախաձեռնությունը, ինչպես նաև Ուկրաինայի անվտանգության երաշխիքները»,-ասել է նա:
