Եմենի ապստամբ «Անսար Ալլահ» շարժման հութիները խոցել են ամերիկյան MQ-9 Reaper անօդաչու թռչող սարքը երկրի հյուսիս-արևմուտքում գտնվող Հաջա նահանգի երկնքում: Այսպիսի հայտարարություն է արել ապստամբների կողմից ձեւավորված զինված ուժերի ներկայացուցիչ Յահյա Սարիան։
«Մեր հակաօդային պաշտպանության ուժերին հաջողվել է խոցել թշնամու MQ-9 անօդաչու թռչող սարքը, որը թշնամական առաքելություն էր իրականացնում Հաջա նահանգի երկնքում»,-ասել է Սարիան հութիներին պատկանող «Ալ Մասիրա» հեռուստաալիքի եթերում:
«Անսար Ալլահ»-ի ռազմական խոսնակը հայտնել է, որ այն խոցվել է տեղական արտադրության «երկիր-օդ» հրթիռով:Նրա խոսքով՝ սա ապստամբների կողմից Եմենի օդային տարածքում երկու շաբաթվա ընթացքում ոչնչացված այս տեսակի չորրորդ անօդաչու թռչող սարքն է, իսկ Գազայի հատվածում հակամարտության սրումից հետո՝ տասնիններորդը։
