Աֆղանստանի իշխանությունները նոր ճամբարներ են կառուցում Պակիստանից արտաքսվող փախստականների համար աֆղանական-պակիստանյան սահմանի Թորխամ անցակետով, հայտնում են աֆղանական լրատվամիջոցները։
Ուրբաթ օրը Աֆղանստանի փոխվարչապետ Աբդուլ Սալամ Հանաֆին փախստականների և հայրենադարձության նախարարության պաշտոնյաների ուղեկցությամբ այցելել է Նանգարհար նահանգ՝ բացելու Քասիմ Աբադ կոչվող նոր ֆիլտրացիոն ճամբարը, որը նախատեսված է մինչև 4000 միգրանտների տեղավորելու համար, հաղորդում է RTA պետական հեռուստատեսությունը:
Հեռուստաալիքի տվյալներով՝ ճամբարը զբաղեցնում է ավելի քան 12 քառակուսի հեկտար տարածք և ունի բոլոր անհրաժեշտ ենթակառուցվածքները։
Հանաֆին նաև այցելել է Օմարի փախստականների ճամբարը Թորխամ անցակետի մոտ, որտեղ նա դիմել է բնակիչներին՝ խոստանալով հնարավոր օգնություն և դատապարտել Պակիստանի իշխանություններին Աֆղանստանի քաղաքացիների նկատմամբ իրենց անբարյացակամ քաղաքականության համար։
