Սենեգալը մտադիր է միանալ BRICS-ին և բանակցություններ է վարում այս ասոցիացիայի անդամների հետ։ Այս մասին հայտարարել է երկրի արտգործնախարար Յասին Ֆոլը։
«Սենեգալն այն երկրներից է, որին դուր է եկել BRICS-ի ստեղծումը և բանակցություններ է վարում երկրների այս խմբի հետ՝ դրա մաս դառնալու համար», - մեջբերում է Seneplus պորտալը նրա խոսքերը։
Նախարարի խոսքով՝ Սենեգալն ունակ է դրական դերակատարություն ունենալ այս միությունում։
«Սենեգալը կարող է նպաստել BRICS-ին իր կայունության, ռեսուրսների և արդյունաբերությունը զարգացնելու ցանկության շնորհիվ», - ավելացրել է նա՝ ընդգծելով, որ BRICS ձևաչափը «ավելի շատ տարածք է տրամադրում կարծիքների փոխանակման և առևտրային ռեսուրսների հասանելիության համար»:
