Ղազախստանի և Տաջիկստանի ղեկավարներ Կասիմ-Ժոմարտ Տոկաևը և Էմոմալի Ռահմոնը կմեկնեն Մոսկվա՝ մասնակցելու Հայրենական մեծ պատերազմում տարած հաղթանակի 80-ամյակի տոնակատարություններին։ Այս մասին հայտնել է Անկախ Պետությունների Համագործակցության գլխավոր քարտուղար Սերգեյ Լեբեդևը։
«Այսօր արդեն հայտարարվել է, որ ԱՊՀ երկրների ղեկավարները, այդ թվում՝ հարգարժան Էմոմալի Ռահմոնը և Կասիմ-Ժոմարտ Կեմելևիչ Տոկաևները, մասնակցելու են մայիսի 9-ին Մոսկվայում կայանալիք տոնակատարություններին»,- ասել է նա լրագրողներին ԱՊՀ արտգործնախարարների խորհրդի նիստում։
2024 թվականի դեկտեմբերին ՌԴ նախագահ Վլադիմիր Պուտինը ԱՊՀ երկրների ղեկավարների հետ հանդիպմանը նրանց հրավիրել էր Մոսկվայում Հաղթանակի օրվա տոնակատարություններին։ Նրա խոսքով՝ շքերթին կկարողանան մասնակցել նաեւ Համագործակցության երկրների զորամասերը։
