Իսրայելն ու Թուրքիան չկարողացան համաձայնության գալ Սիրիայում իրենց միջև լարվածությունը կանխելու համար Ադրբեջանում կայացած բանակցությունների փուլի ընթացքում։ Այսպիսի հայտարարություն է արել Իսրայելի պետական հեռուստառադիոընկերությունը՝ Kan-ը։
Բանակցությունները, որոնց ընթացքում իսրայելական և թուրքական կողմերը փորձում են պայմանավորվել Սիրիայում իրենց միջև հակամարտությունները կանխելու մեխանիզմի ստեղծման շուրջ, պետք է շարունակվեն հրեական Պասեքի տոնի ավարտից հետո, որն այս տարի ապրիլի 12-19-ին է։Միևնույն ժամանակ, ըստ հաղորդման, Անկարան հրաժարվել է թույլ տալ Իսրայելի ռազմաօդային ուժերի ինքնաթիռին, որը իսրայելական պատվիրակություն էր հասցնում Ադրբեջան, անցնել Թուրքիայի օդային տարածքով, ինչի հետևանքով այն ստիպված է եղել թռչել Թուրքիայից դեպի արևմուտք Սև ծովի վրայով։
Ապրիլի 10-ին հրեական պետության վարչապետ Բենիամին Նեթանյահուի գրասենյակը հաստատել է Ադրբեջանում Թուրքիայի ներկայացուցիչների հետ ուղղակի բանակցությունների փաստը։ Իսրայելական կողմը շնորհակալություն է հայտնել Ադրբեջանի նախագահ Իլհամ Ալիևին հանդիպման կազմակերպման համար։
