Գազայի հատվածում վերջին 24 ժամվա ընթացքում առնվազն 40 պաղեստինցի է զոհվել, ավելի քան 140-ը վիրավորվել՝ անկլավում Իսրայելի ռազմական գործողության արդյունքում։ Այս մասին Գազայի առողջապահության նախարարությունը հայտնել է իր Telegram ալիքում։
«Վերջին 24 ժամվա ընթացքում Գազայում սպանվել է 40 պաղեստինցի, վիրավորվել՝ 146-ը: Իսրայելի կողմից մարտի 18-ին ռազմական գործողությունները վերսկսվելուց հետո զոհվել է 1522 մարդ, ևս 3834-ը՝ վիրավորվել», - ասվում է գործակալության զեկույցում։
Գազայի առողջապահության նախարարությունը նշել է, որ Գազայի հատվածում 2023 թվականի հոկտեմբերից զոհերի ընդհանուր թիվը հասել է 50886-ի, վիրավորների թիվը հասել է 115875-ի։
Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ լայնածավալ հարվածներ հասցնելով անկլավին և դրանով իսկ ընդհատելով այս տարվա հունվարին հաստատված հրադադարը։
