ՌԴ նախագահի մամուլի քարտուղար Դմիտրի Պեսկովը, մեկնաբանելով Վլադիմիր Զելենսկիի այն խոսքերը, թե իբր Ռուսաստանը փորձում է Չինաստանի Ժողովրդական Հանրապետությանը ներքաշել Ուկրաինայի հակամարտության մեջ, ասել է, որ Չինաստանը միշտ հավասարակշռված դիրք է գրավել։
Լրագրողները Պեսկովին խնդրել են մեկնաբանել Զելենսկիի այն հայտարարությունը, թե իբր Մոսկվան Չինաստանին ներքաշում է ռուս-ուկրաինական հակամարտության մեջ։
«Դա ճիշտ չէ: Չինաստանը հավասարակշռված դիրք է գրավում: Չինաստանը մեր ռազմավարական գործընկերն է, ընկերը: Եվ Չինաստանը միշտ շատ հավասարակշռված դիրք է գրավել, ուստի, Զելենսկին սխալվում է»,- ասել է Պեսկովը:
Ավելի վաղ Վլադիմիր Զելենսկին հայտարարել էր, որ Ուկրաինայի զինված ուժերը իբր գերի են վերցրել Չինաստանի երկու քաղաքացու։
