Ավստրալիան կվերսկսի Եվրամիության հետ առևտրային գործարքի շուրջ բանակցությունները ԱՄՆ-ի կողմից մաքսատուրքերի սահմանումից հետո, հայտարարել է Ավստրալիայի առևտրի նախարար Դոն Ֆարելը։
«Ես շատ ջերմ և կառուցողական հանդիպում ունեցա Եվրամիության իմ գործընկերոջ հետ, և մենք պայմանավորվեցինք արագացնել ազատ առևտրի համաձայնագրի շուրջ բանակցությունների վերսկսումը»,- ասել է Ֆարելը Nightly թերթին։
Նա նաև նշել է, որ երեքշաբթի երեկոյան կայացել է իր հանդիպումը Առևտրային քաղաքականության և տնտեսական անվտանգության հարցերով եվրահանձնակատար Մարոշ Շեֆչովիչի հետ։ Կողմերը պայմանավորվել են բանակցություններ սկսել Ավստրալիայում մայիսի 3-ին նշանակված դաշնային ընտրություններից անմիջապես հետո։
