Առևտրային պատերազմներն ունեն գլոբալ հետևանքներ, որոնք ազդում են մեծ և փոքր երկրների վրա: Այս մասին հայտարարել է Թուրքիայի նախագահ Ռեջեփ Թայիփ Էրդողանը` ելույթ ունենալով խորհրդարանում իշխող «Արդարություն և զարգացում» կուսակցության խմբակցության նիստում։ Հեռարձակումն իրականացրել է TRT Haber հեռուստաալիքը։
«Մաքսատուրքերով բորբոքված առևտրային պատերազմները հետևանքներ կունենան համաշխարհային մասշտաբով: Չափազանցություն չի լինի ասել, որ մեծ փոթորիկ է գալու, որը կազդի բոլորի վրա՝ և՛ մեծ, և՛ փոքր»,- ասել է նա:
Էրդողանի խոսքով՝ «կապիտալի շուկաներում «երկրաշարժի» հետևանքները դեռ չեն մարել, և մեծ է հավանականությունը, որ որոշ խոշոր տնտեսություններ կհայտնվեն ռեցեսիայի մեջ։
Թուրքիայի ղեկավարը նաև հայտարարել է, որ իր երկիրն աշխարհում ամենաքիչ կորուստներով տնտեսական ցնցումներ է ապրում։
