ԱՄՆ-ի բնակիչների մոտ 73%-ը վախենում է սպառողական գների կտրուկ աճից առաջիկա վեց ամսում նախագահ Դոնալդ Թրամփի կողմից ներմուծվող արտասահմանյան ապրանքների մաքսատուրքերի սահմանման ֆոնին։ Այս մասին են վկայում Reuters գործակալության անունից Ipsos սոցիոլոգիական կենտրոնի կողմից անցկացված հարցման արդյունքները։
Ըստ այդ տվյալների՝ հարցվածների միայն 4%-ն է ակնկալում գների նվազում, իսկ եւս 20%-ը փոփոխություններ չի ակնկալում։ Միևնույն ժամանակ, ամերիկացիների 39%-ը աջակցում է Թրամփի սակագնային քաղաքականությանը, մինչդեռ երկրի բնակիչների 57%-ը դեմ է դրան։
Դեմոկրատական կուսակցությունից հարցման մասնակիցների միայն 10%-ն է համաձայն ԱՄՆ նոր վարչակազմի արտաքին տնտեսական կուրսի հետ, մինչդեռ դեմոկրատների 88%-ը հակառակ կարծիքին է։ Թրամփի կուսակիցների շրջանում հարցվածների 73%-ն ասել է, որ կողմ է մաքսատուրքերին, մինչդեռ հանրապետականների 24%-ը դեմ է արտահայտվել դրանց։
Ipsos-ի հարցումն անցկացվել է ապրիլի 4-6-ը և ներառել է 1027 չափահաս ԱՄՆ-ում: Վիճակագրական սխալը կազմել է 3 տոկոսային կետ։
