Բաքուն մտադիր է ԱՄՆ նախագահ Դոնալդ Թրամփի վարչակազմին փոխանցել հանրապետության տարածքում ԱՄՆ Միջազգային զարգացման գործակալության (USAID) անօրինական գործունեության մասին փաստերը։ Այս մասին հայտարարել է Ադրբեջանի նախագահ Իլհամ Ալիեւը։
«Մեր գլխավոր դատախազությունն այս պահին ուսումնասիրում է USAID-ի ապօրինի գործունեությունը, եւ ես տեղեկացվել եմ նախաքննության մասին։
Դրա արդյունքները ցույց տվեցին կազմակերպության հակաադրբեջանական գործունեության մասշտաբները, կառավարության աշխատանքը խաթարելու փորձերը և մեր ներքին գործերին միջամտելու ակնհայտ փորձերը։
Երբ «թղթապանակը» պատրաստ լինի, մենք այն կներկայացնենք Թրամփի վարչակազմին, որպեսզի նրանք կարողանան լուրջ միջոցներ ձեռնարկել կոռումպացված USAID-ի և նրա կոռումպացված առաջնորդների դեմ»,- ասել է Ալիևը Բաքվում «Դեպի նոր աշխարհակարգ» միջազգային ֆորումի ժամանակ։
