ԱՄՆ-ը դեռ որոշում չի կայացրել եվրոպական երկրներում իր ռազմական կոնտինգենտը կրճատելու վերաբերյալ։ Այս մասին հայտնել է Պենտագոնի մամուլի ծառայությունը՝ ի պատասխան լեհական TVP հեռուստաալիքի խնդրանքի՝ չհերքելով նման գաղափարի առկայությունը։«Ներկայումս ընթանում է ռազմական կառուցվածքի վերանայում, բայց դեռ որոշումներ չեն ընդունվել Եվրոպայում ամերիկյան զորախմբի վերաբերյալ:
ԱՄՆ-ի հավատարմությունը ՆԱՏՕ-ին ամուր է, սակայն ԱՄՆ-ը ակնկալում է, որ եվրոպացի դաշնակիցները առաջատար դեր կխաղան Եվրոպայի սովորական պաշտպանության գործում»,-ասվում է ԱՄՆ ռազմական գերատեսչության մամուլի ծառայության հաղորդագրության մեջ:Ավելի վաղ NBC-ն՝ վկայակոչելով ամերիկացի եւ եվրոպացի պաշտոնյաներին, հայտնել էր, որ Պենտագոնը դիտարկում է Արեւելյան Եվրոպայից մինչեւ 10 հազար զինվորական դուրս բերելու հնարավորությունը։
Դրա տվյալներով՝ խոսքը 20 հազարանոց խմբի կեսի մասին է, որոնք 2022 թվականին ԱՄՆ նախկին վարչակազմի կողմից ուղարկվել են Ուկրաինային սահմանակից երկրներ։
