Հարավային Կորեայի զորքերը նախազգուշական կրակոցներ են արձակել հյուսիսկորեացի զինվորների ուղղությամբ, որոնք ժամանակավորապես հատել են երկու երկրները բաժանող ռազմական սահմանազատման գիծը, հայտնել է Կորեայի Հանրապետության միացյալ շտաբի պետը (JCS):
«Այսօր ապառազմականացված գոտու արևելյան ճակատում ավելի քան 10 հյուսիսկորեացի զինծառայող խախտել է ռազմական սահմանազատման գիծը, ինչի կապակցությամբ մեր զինված ուժերը նախազգուշացում են ուղարկել և նախազգուշական կրակ են բացել։
Դրանից հետո հյուսիսկորեացի զինծառայողները վերադարձել են հյուսիս»,- ասվում է հաղորդագրության մեջ։
Նշվում է, որ Հարավային Կորեայի զինված ուժերը շարունակում են ուշադիր հետևել ԿԺԴՀ-ի զորքերի գործողություններին և «անհրաժեշտ միջոցներ ձեռնարկել՝ հիմնվելով ռազմական գործողությունների անցկացման ընթացակարգերի վրա»։
