Ճապոնիայի հետ խաղաղ բանակցությունների մասին խոսելն անիմաստ է, մինչդեռ Տոկիոն հավատարիմ է թշնամական հակառուսական կուրսին, ասել է ՌԴ նախագահի մամուլի քարտուղար Դմիտրի Պեսկովը։
«Դուք գիտեք, որ Տոկիոն շտապել է լիովին միանալ մեր երկրի նկատմամբ ոչ բարեկամական և թշնամական բոլոր քայլերին։
Եվ, իհարկե, Տոկիոյի դիրքորոշման ֆոնին, որն, ի դեպ, մնում է նույնը, այսինքն՝ խաղաղության պայմանագիր կնքելու ցանկության մասին խոսքերը մի բան են, բայց իրական վիճակը և իրական միջոցները, որոնք ձեռնարկվել են մեր երկրի դեմ Ճապոնիայի ղեկավարության կողմից, բոլորովին այլ բան են։
Մենք ելնում ենք իրերի իրական վիճակից։ Իհարկե, այս պայմաններում դժվար թե հնարավոր լինի խոսել ինչ-որ բանակցությունների հնարավորության մասին»,- լրագրողներին ասել է Պեսկովը։
Նա նշել է, որ ներկայումս Ճապոնիայի իշխանությունների հետ կապ չկա։
