Իսրայելը պետք է իր արտաքին քաղաքականությունը տարածաշրջանում վարի «ավելի մեծ պատասխանատվությամբ». նրա ընտրած վեկտորը կայունություն չի բերի հրեական պետությանը։ Իրաքյան UTV հեռուստաալիքի հետ զրույցում նման կարծիք է հայտնել Թուրքիայի ԱԳՆ ղեկավար Հաքան Ֆիդանը։
«Իսրայելը պետք է ավելի պատասխանատու լինի իր արտաքին քաղաքականության մեջ, նրա ընտրած ռազմավարությունը, մասնավորապես՝ օկուպացիան, երբեք նրան անվտանգություն չի բերի և բացասական հետևանքներ կունենա։Միգուցե նրա կողմից իրականացվող սադրանքները որոշ տակտիկական հարցեր լուծեն, բայց ռազմավարական մակարդակում վնասը շատ ավելի լուրջ կլինի»,- զգուշացրել է նա՝ մեկնաբանելով սիրիա-իսրայելական սահմանին տիրող իրավիճակը։
Ըստ Ֆիդանի՝ Իսրայելում երկու հիմնական քաղաքական ուղղություն կա. առաջինի կողմնակիցները ձգտում են հարաբերություններ կառուցել տարածաշրջանի երկրների հետ «փոխադարձ հարգանքի հիման վրա», իսկ երկրորդը ձգտում է պահպանել հրեական պետության անվտանգությունը՝ թուլացնելով իր հարեւաններին։
