Առողջապահության համաշխարհային կազմակերպությունը (ԱՀԿ) պետք է մնա ապաքաղաքականացված: Ռուսաստանը անդամ երկրներին կոչ է անում խուսափել երկակի ստանդարտների քաղաքականությունից: Այս մասին ասվում է ՌԴ ԱԳՆ կայքում տեղադրված հաղորդագրության մեջ։
ՌԴ ԱԳՆ-ը նշել է, որ ժամանակակից պայմաններում, երբ աշխարհը բախվում է առողջապահության ոլորտում նոր մարտահրավերների, ԱՀԿ-ի նշանակությունը մեծանում է։
«Ռուսաստանը չափազանց կարևոր է համարում, որ կազմակերպության գործունեությունը մնա ապաքաղաքականացված, գիտականորեն հիմնավորված և համապատասխանի բոլոր անդամ երկրների շահերին»,- ընդգծել են նախարարությունում։
«Ռուսաստանը կոչ է անում բոլոր երկրներին ամրապնդել վստահությունն ու թափանցիկությունը կազմակերպության աշխատանքում, խուսափել երկակի ստանդարտներից և օգտագործել իր ներուժը առողջապահական համակարգի ամրապնդման և աշխարհի բնակչության առողջությունն իսկապես բարելավելու համար»:
