ՌԴ նախագահի մամուլի քարտուղար Դմիտրի Պեսկովը հայտարարել է, որ Ռուսաստանը մշտական խորհրդակցությունների մեջ է Իրանի հետ, այդ թվում՝ միջուկային դոսիեի հարցով, և մոտ ապագայում հետագա շփումներ կանցկացվեն։
«Մենք մշտական խորհրդակցությունների մեջ ենք մեր իրանցի գործընկերների հետ, այդ թվում՝ միջուկային գործարքի թեմայի շուրջ: Մենք անընդհատ կապեր ենք պահպանում և խորհրդակցություններ ենք անցկացնում այդ հարցի շուրջ: Այդ գործընթացը կշարունակվի, այդ թվում՝ մոտ ապագայում», - ասել է Պեսկովը լրագրողներին՝ պատասխանելով ՌԻԱ Նովոստիի հարցին:
Ավելի վաղ Իրանի արտգործնախարար Աբբաս Արաղչին հայտարարել էր, որ Իրանը միջուկային ծրագրի շուրջ ԱՄՆ-ի հետ բանակցությունների ոչ մի փուլ դեռ չի անցկացրել. Թեհրանը պատրաստ է բանակցել Վաշինգտոնի հետ, բայց միջնորդների միջոցով։
