Գազայի հատվածի հարավային և կենտրոնական շրջաններում Իսրայելի բանակի հարվածների հետևանքով զոհվել է առնվազն չորս մարդ։
Այս մասին հայտնում է քաթարական Al Jazeera հեռուստաալիքը։Իսրայելական օդային հարձակման ժամանակ Պաղեստինի փախստականների ճամբարի վրա, որը գտնվում է Խան Յունիս քաղաքի Նասեր բժշկական համալիրի մոտ, վրան է խոցվել, որում եղել են լրատվամիջոցների ներկայացուցիչներ։
Հարձակման հետևանքով զոհվել է առնվազն երկու լրագրող, ևս 7-ը վիրավորվել են:Հեռուստաալիքը հայտնում է նաև իսրայելական բանակի կողմից Գազայի կենտրոնում գտնվող Դեյր էլ-Բալահ քաղաքում գտնվող Ալ-Աքսա հիվանդանոցին հասցված զանգվածային ավիահարվածների մասին։ Նշվում է, որ այս հարձակման հետեւանքով առնվազն երկու մարդ է զոհվել, եւս մի քանիսը վիրավորվել են։
Ավելի վաղ հաղորդվել էր, որ Խան Յունիսում բնակելի շենքերի ռմբակոծության հետեւանքով առնվազն ութ մարդ է զոհվել, այդ թվում՝ մեկ երեխա։ Եվս մի քանի պաղեստինցի դեռևս անհետ կորած է համարվում։
