ԱՄՆ-ը Չինաստանի հետ մաքսատուրքերի համաձայնագիր չի կնքի, քանի դեռ չի կարգավորվել ԱՄՆ-ի առևտրային դեֆիցիտը։ Այս մասին լրագրողների հետ զրույցում հայտարարել է ԱՄՆ նախագահ Դոնալդ Թրամփը։«Մենք պետք է զբաղվենք Չինաստանի հետ առևտրային դեֆիցիտով։ Մենք միլիարդավոր դոլարներ ենք կորցնում Չինաստանից:
Քանի դեռ չենք լուծել այս խնդիրը, ես չեմ պատրաստվում գործարք կնքել», – ասել է նա:Թրամփը կանխատեսումներ չի արել շուկաների ապագա դինամիկայի վերաբերյալ, սակայն ասել է, որ Միացյալ Նահանգները տնտեսապես «շատ ավելի ուժեղ է», քան մյուս երկրները։
Ավելի վաղ Չինաստանի Ժողովրդական Հանրապետության Պետական խորհրդի սակագնային հանձնաժողովը հայտարարել էր, որ Չինաստանը լրացուցիչ մաքսատուրքեր է սահմանում ԱՄՆ-ից ներկրվող ապրանքների համար՝ ի պատասխան Թրամփի մաքսային քաղաքականության։
Գերատեսչությունից պարզաբանել են, որ ի լրումն գործող տուրքերի, ներդրվում են սակագներ։Չինաստանի և ԱՄՆ-ի միջև առևտրաշրջանառությունը 2024 թվականի վերջին հասել է 688,28 միլիարդ դոլարի։
