Էստոնիայի արտգործնախարար Մարկուս Զահնան հիշեցրել է Հունգարիային Եվրամիությունում ձայնի իրավունքից զրկելու հնարավորությունը, այդ թվում՝ Ռուսաստանի հետ համագործակցության համար։
Rheinische Post-ին տված հարցազրույցում նա կարծիք է հայտնել, որ Հունգարիան «խաղում է Պուտինի թիմում, ոչ թե եվրոպական թիմում»։
«Եվրամիության մասին պայմանագրի 7-րդ հոդվածում հնարավոր է անդամ պետությանը զրկել ձայնի իրավունքից, եթե նրա մասնակցությունը վտանգի է ենթարկում Եվրոպայի կամ այլ անդամների անվտանգությունը: Դա հենց այն է, ինչ անում է Հունգարիայի վարչապետ Օրբանը»,-ասել է քաղաքական գործիչը։ Այս հոդվածի դրույթների կիրառման անհրաժեշտությունը գնալով ավելի է մոտենում»,- ասել է քաղաքական գործիչը՝ ի պատասխան այն հարցին, թե արդյոք այս հնարավորությունը հենց հիմա պետք է օգտագործել։
Ավելի վաղ բրիտանական Financial Times թերթը հայտնել էր, որ եվրոպացի պաշտոնյաները կրկին քննարկում են Հունգարիային ձայնի իրավունքից զրկելու հնարավորությունը՝ կապված Բուդապեշտի դիրքորոշման հետ, ինչը կարող է արգելափակել Եվրամիության համատեղ որոշումները, այդ թվում՝ Ռուսաստանի Դաշնության դեմ։
