Իսրայելի վարչապետ Բենիամին Նեթանյահուն ծրագրում է երկուշաբթի օրը այցելել Վաշինգտոն՝ հանդիպելու ԱՄՆ նախագահ Դոնալդ Թրամփի հետ։ Այս մասին հայտնում է Axios պորտալը՝ հղում կատարելով սեփական աղբյուրներին։ Կողմերը կքննարկեն ԱՄՆ-ի սահմանած ներմուծման մաքսատուրքերը, Իրանի միջուկային ծրագիրը եւ Գազայի հատվածում տիրող իրավիճակը։
Axios-ը նշում է, որ ճանապարհորդությունն, ի սկզբանե, նախատեսված էր ապրիլի կեսերին:
Պորտալի զրուցակիցները հայտնել են, որ այցի ժամկետը դեռ կարող է փոխվել՝ կապված կոռուպցիոն գործով մոտ ապագայում Իսրայելում նախատեսված դատական լսումների հետ, որին սպասվում է Իսրայելի վարչապետի մասնակցությունը։
Ըստ Axios-ի՝ Նեթանյահուն կարծում է, որ ԱՄՆ-ի և Իրանի միջև միջուկային համաձայնության հասնելու հնարավորությունները չափազանց ցածր են և ցանկանում է Թրամփի հետ պայմանավորվել՝ հարվածելու Իրանի միջուկային օբյեկտներին, եթե դիվանագիտությունը ձախողվի:
