Առնվազն 38 պաղեստինցի է զոհվել ուրբաթ երեկոյան Գազայի հատվածում իսրայելական բանակի ավիահարվածների և գնդակոծությունների հետևանքով։ Այս մասին հայտնում է քաթարական Al Jazeera հեռուստաալիքը։
Ըստ Գազայի Ալ-Ահլի հիվանդանոցի բժիշկների, որոնց մեջբերում է հեռուստաալիքը, բուժհաստատությունում տեղ չի մնացել վերջին հարձակումներից տուժածներին բուժելու համար:
Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ զանգվածային հարձակումներ կատարելով անկլավի վրա և դրանով իսկ ընդհատելով հունվարին հաստատված հրադադարը։
