Վենեսուելան կհաղթահարի ԱՄՆ նախագահ Դոնալդ Թրամփի կողմից աշխարհին հայտարարած առեւտրատնտեսական պատերազմի դժվարությունները։ Այս մասին հայտարարել է Բոլիվարիայի Հանրապետության նախագահ Նիկոլաս Մադուրոն։
«Մենք պատրաստ ենք հաղթահարել տնտեսական պատերազմի ցանկացած դժվարություն, որը ԱՄՆ նախագահը հայտարարեց ամբողջ աշխարհին և Վենեսուելային», -ասել է Մադուրոն Venezolana de Televisión հեռուստաալիքի եթերում։
Նա կարծում է, որ Թրամփը մաքսատուրքային և հարկային միջոցներ է ձեռնարկել այն երկրների դեմ, որոնք կարող են «մարդկությանը և Վենեսուելային զրկել ապագա ունենալու իրավունքից»։
Մադուրոն ընդգծել է, որ հանրապետությունը «պատրաստվել է համաշխարհային առևտրային և տնտեսական պատերազմի և մշակել է ծրագրեր ցանկացած հնարավորության համար», քանի որ Վենեսուելան «ազատ, ինքնիշխան և անկախ երկիր է»։
Թրամփը ապրիլի 2-ին հայտարարեց, որ մաքսատուրքեր կսահմանի 185 երկրների և տարածքների ապրանքների վրա։
