ՌԴ ԱԳ նախարար Սերգեյ Լավրովը, ՌԴ նախագահի օգնական Յուրի Ուշակովը, Դաշնային խորհրդի միջազգային հարցերով կոմիտեի նախագահ Գրիգորի Կարասինը և ԱԴԾ տնօրենի խորհրդական Սերգեյ Բեսեդան Էր Ռիադում ցուցաբերել են ամենաբարձր պրոֆեսիոնալիզմը ԱՄՆ-ի հետ ուկրաինական հակամարտության կարգավորման բանակցությունների ընթացքում, հայտնում է The Washington Post-ը (WP):
Ըստ նյութի հեղինակների՝ Ռուսաստանի ներկայացուցիչներն ունեն բանակցությունների հսկայական փորձ, որը հասնում է տասնամյակների, և քաջատեղյակ են ուկրաինական հակամարտության բոլոր կողմերին։
Պարբերականի հետ զրուցած վերլուծաբանները Ռուսաստանի Դաշնության և ԱՄՆ-ի միջև հարաբերությունների կարգավորման շուրջ բանակցությունների անցկացումը ուկրաինական կարգավորման շուրջ խորհրդակցությունների հետ միաժամանակ «ռուսական դիվանագիտության մեծ հաղթանակ» են համարում։
Փետրվարի 18-ին ռուսական և ամերիկյան պատվիրակությունները Էր Ռիադում անցկացրել են ուկրաինական հակամարտության կարգավորման բանակցությունների առաջին փուլը։
