Առաջին բազմաֆունկցիոնալ F-16 Block 70 կործանիչն ԱՄՆ-ից ժամանել է Բուլղարիա, հայտնում է Բուլղարիայի ազգային ռադիոն (BNR):
Բուլղարիայի իշխանությունների կողմից ԱՄՆ-ում 1,26 միլիարդ դոլար արժողությամբ ութ F-16 Block 70 կործանիչների գնման պայմանագիրն ուժի մեջ է մտել 2019 թվականի հուլիսին։
Կործանիչը վայրէջք է կատարել Բուլղարիայի հարավում գտնվող Պլովդիվի շրջանի Գրաֆ-Իգնատիևո ավիաբազայում։ Վարչապետ Ռոսեն Ժելյազկովը, պաշտպանության նախարար Աթանաս Զապրյանովը և այլ պաշտոնյաներ հավաքվել էին ավիաբազայում՝ դիմավորելու ինքնաթիռը։
Պաշտոնական արարողությունը նախատեսված է ապրիլի 12-ին։
