Ռուսաստանի նախագահ Վլադիմիր Պուտինը շնորհավորել է Բադրու Գյունբային Աբխազիայի նախագահի պաշտոնը ստանձնելու կապակցությամբ. համապատասխան հեռագիրը հրապարակվել է Կրեմլի կայքում։
«Հարգելի Բադրա Զուրաբովիչ, ընդունեք սրտանց շնորհավորանքներ Աբխազիայի Հանրապետության Նախագահի պաշտոնը ստանձնելու կապակցությամբ: Մեր երկրների հարաբերությունները զարգանում են բարեկամության և դաշինքի ոգով: Հուսով եմ, որ ձեր գործունեությունը պետության ղեկավարում կնպաստի դրանց հետագա ամրապնդմանը»,- ասված է շնորհավորանքում:
Աբխազիայում նախագահական ընտրությունները տեղի են ունեցել երկու փուլով՝ փետրվարի 15-ին և մարտի 1-ին: Հանրապետության Կենտրոնական ընտրական հանձնաժողովի տվյալներով՝ Գյունբան հաղթել է երկրորդ փուլում՝ հավաքելով ձայների 54,73%-ը, նրա մրցակիցը՝ ընդդիմադիր Ադգուր Արձինբան՝ 41,54%-ը։
