Մարտի 2-ին կայացած ընտրություններում հաղթած Բադրա Գյունբան ստանձնել է Աբխազիայի Հանրապետության նախագահի պաշտոնը։ Արարողությունը, որի ժամանակ Գյունբան երդում է տվել՝ ձեռքը դնելով Սահմանադրության վրա, տեղի է ունեցել Սուխումում՝ կառավարության նիստերի դահլիճում, դեպքի վայրից հայտնում է ՏԱՍՍ-ի թղթակիցը։
«Ես երդվում եմ Աբխազիայի ողջ բազմազգ ժողովրդին, որ կկիրառեմ իմ գիտելիքներն ու ուժը՝ հանուն նրանց բարեկեցության, խաղաղության և հանգստության։
Իմ գործունեության ընթացքում ես խստորեն կհետևեմ Աբխազիայի Հանրապետության Սահմանադրության պահանջներին, հանդես կգամ որպես իշխանությունների կողմից դրա խստագույն իրականացման, հանրապետության բոլոր քաղաքացիների իրավունքների և ազատությունների հարգման երաշխավոր», - ասել է Գյունբան հանրապետության խորհրդարանի պատգամավորների և սահմանադրական դատարանի դատավորների ներկայությամբ:
