Իսրայելական բանակը ընդլայնել է իր գործողությունները Գազայի հատվածում, որպեսզի մեծացնի ճնշումը պաղեստինյան արմատական ՀԱՄԱՍ շարժման վրա՝ ազատելու անկլավում պահվող պատանդներին: Այս մասին հայտարարել է հրեական պետության պաշտպանության նախարար Իսրայել Կացը՝ կոչ անելով Գազայի բնակիչներին ինքնուրույն «տապալել ՀԱՄԱՍ»-ը։
«Քաջություն և սուր գործողությունը Գազայում ընդլայնվում է՝ նպատակ ունենալով ոչնչացնել և մաքրել տարածքն ահաբեկիչներից և ահաբեկչական ենթակառուցվածքներից, ինչպես նաև հսկայական տարածքներ փոխանցել, որոնք կկցվեն Իսրայելի պետության անվտանգության գոտիներին՝ Իսրայելի պաշտպանության բանակի վերահսկողության տակ», - ասել է Կացը, ում խոսքերը տարածել է ռազմական գերատեսչության մամուլի ծառայությունը։
Նա հաջողություն է մաղթել իսրայելցի զինվորականներին և ընդգծել, որ գործողության նպատակն է «առաջին հերթին ուժեղացնել ճնշումը Համասի վրա»:
«Այս առավոտ գործողության ընդլայնումը կուժեղացնի ճնշումը ՀԱՄԱՍ-ի մարդասպանների և Գազայի բնակչության վրա և կմոտեցնի նպատակի իրագործմանը, որը սուրբ և կարևոր է բոլորիս համար: Ես կոչ եմ անում Գազայի ժողովրդին գործել հիմա՝ վերացնելու ՀԱՄԱՍ-ը և վերադարձնելու բոլոր պատանդներին: Սա պատերազմի ավարտի միակ միջոցն է»,- ասել է Կացը:
