Եվրամիությունը ԱՄՆ նախագահ Թրամփի սահմանված մաքսատուրքերին պատասխանելու «ուժեղ ծրագիր» ունի։ Այս մասին հայտարարել է Եվրահանձնաժողովի ղեկավար Ուրսուլա ֆոն դեր Լյայենը, փոխանցում է Reuters-ը։ Միևնույն ժամանակ նա նշել է, որ Բրյուսելը հույս ունի իրավիճակից ելք գտնել բանակցությունների միջոցով: Եվրամիությունը չի ցանկանում պատասխանել ԱՄՆ-ի գործողություններին, բայց անհրաժեշտության դեպքում դա կանի, ընդգծել է ֆոն դեր Լյայենը։ «Եթե անհրաժեշտ լինի, մենք պատասխան գործողությունների ուժեղ ծրագիր ունենք եւ այն կկիրառենք», – ընդգծել է Եվրահանձնաժողովի նախագահը:Հիշեցնենք, որ Թրամփը նախատեսում է ապրիլի 2-ից մաքսատուրքեր սահմանել ԱՄՆ մտնող բոլոր երկրների ապրանքների վրա։ Մարտին նրա վարչակազմը մաքսատուրքեր սահմանեց պողպատի և ալյումինի ներմուծման վրա և հայտարարեց, որ ավտոմեքենաների համար ավելի բարձր մաքսատուրքերն ուժի մեջ կմտնեն:
ԵՄ-ն Թրամփի մաքսատուրքերին պատասխանելու «ուժեղ ծրագիր» ունի. Ֆոն դեր Լայեն
01.04 23:05 |
Կատեգորիա
Համաշխարհային
