Կալիֆորնիայում ԱՄՆ նախագահի թեկնածու Դոնալդ Թրամփի օգտին անցկացվող հանրահավաքի վայրի մոտ զինված տղամարդ է ձերբակալվել, հայտնում է ոստիկանությունը։ Միջադեպը տեղի է ունեցել շաբաթ երեկոյան Կոաչելլա քաղաքում, հայտնում է BBC-ի ռուսական ծառայությունը:
Ռիվերսայդ շրջանի շերիֆ Չադ Բյանկոյի խոսքով՝ Լաս Վեգասի 49-ամյա բնակիչ Վամ Միլլերին ձերբակալել են խաչմերուկի անցակետերից մեկում Թրամփի ելույթից մեկ ժամ առաջ՝ նա վարում էր սև ամենագնաց և կրում որսորդական հրացան, լիցքավորված ատրճանակ և մեծ ծավալի պահունակ:
Իշխանությունները նաև ասում են, որ տղամարդը ունեցել է բազմաթիվ անձնագրեր և վարորդական վկայականներ:
Հաղորդվում է, որ տղամարդը ձերբակալվել է ապօրինի զենք-զինամթերք պահելու մեղադրանքով, իսկ ավելի ուշ ազատ է արձակվել 5000 դոլար գրավի դիմաց: Նրա դատական նիստը նշանակված է հաջորդ տարվա հունվարի 2-ին։
Կասկածյալը նաև իշխանություններին ասել է, որ ինքը «Ինքնիշխան քաղաքացիներ» խմբավորման անդամ է:
Չադ Բյանկոն հանրապետական է և նախկինում հանդես է եկել ի պաշտպանություն Թրամփի: Նա նաև թեկնածուի վստահված անձ է Կալիֆորնիայում:
