Ռուսաստանը ԱՄՆ-ին, ՄԱԿ-ին և ԵԱՀԿ-ին տեղեկատվություն է փոխանցել Ուկրաինայի կողմից էներգետիկ օբյեկտներին հարվածների մորատորիումի խախտումների մասին՝ հայտարարել է ՌԴ ԱԳ նախարար Սերգեյ Լավրովը։
Նրա խոսքով՝ պաշտպանության նախարար Անդրեյ Բելոուսովն Անվտանգության խորհրդի նիստում հայտնել է, որ մորատորիումը չի պահպանվում, Ռուսաստանի էներգետիկ օբյեկտներն անօդաչուների հարձակման են ենթարկվում: Լավրովը պնդել է, որ ռուսական բանակը պահպանում է մորատորիումը։
Նա ընդգծել է, որ Ռուսաստանն իր կողմից չի խախտում մորատորիումը, որը նախագահը հրամայել էր խստորեն պահպանել դեռևս Սպիտակ տան ղեկավար Դոնալդ Թրամփի հետ հեռախոսազրույցի ժամանակ:
