Բանգկոկում աշխատակիցները զանգվածաբար դուրս են եկել մի քանի կառավարական շենքերից՝ հերթական երկրաշարժի մասին լուրերի ֆոնին, ասել է քաղաքապետ Չաթչաթ Սիթթիֆանը՝ The Reporters ցանցային հեռուստաալիքով և այլ լրատվամիջոցներով հեռարձակված ճեպազրույցում:
«Դա, որպես այդպիսի,ն տարհանում չէր, ավելի շուտ մարդիկ անհանգստացած էին, ավելի շատ խուճապի էր նման, խնդրում եմ բոլորին զերծ մնալ ավելորդ հուզմունքից և էմոցիաներով թելադրված գործողություններից, քանի որ հրմշտոցն ավելի մեծ վտանգ է, քան նոր երկրաշարժի չհաստատված վտանգը»,- ասել է նա։
Դա տեղի է ունեցել առավոտյան ժամը 10-ի սահմաններում: Խոսքը Չենգվաթհանա փողոցում գտնվող կառավարական շենքերի համալիրի Ա շենքի, Դինգդենգ թաղամասի Աշխատանքի նախարարության համալիրի շենքերից մեկի և Ռաչադապիշեկ փողոցում գտնվող քրեական դատարանի շենքի մասին է։
