Մեծ Բրիտանիայի արտաքին գործերի նախարար Դեյվիդ Լամմին հայտարարել է, որ Լոնդոնը պատրաստ է բանակցություններ վարել Եվրամիության հետ անվտանգության ոլորտում համագործակցության համաձայնագրի շուրջ։
«Այժմ ժամանակն է ամրապնդել համագործակցությունը մեր գործընկերների հետ՝ երաշխավորելու մեր անվտանգությունը առաջիկա տարիներին»,-ասել է նա իսպանական El PaÍs թերթին տված հարցազրույցում։ Լամմին հիշեցրել է, որ Միացյալ Թագավորությունն այլևս ԵՄ անդամ չէ։
«Մենք աշխատում ենք մեր եվրոպացի գործընկերների և ՆԱՏՕ-ի հետ՝ ուսումնասիրելու բոլոր հնարավորությունները՝ ուժեղացնելու մեր ռազմական հնարավորությունների միջև կոորդինացումը, ներառյալ պաշտպանության ոլորտում մասնավոր հատվածի ներդրումների ավելացումը», - բացատրել է նախարարը:
«Մենք պատրաստ ենք ԵՄ-ի հետ բանակցել անվտանգության և պաշտպանության ոլորտում համագործակցության համաձայնագրի շուրջ։ Եվրոպայի անվտանգությունն անբաժանելի է»,- ասել է Լամմին։
