Եգիպտոսի Մինյա նահանգում՝ Կահիրեից 250 կմ հեռավորության վրա, երկու մարդատար գնացքներ են բախվել։ Այս մասին գրում է Youm 7-ը:
Եգիպտոսի առողջապահության նախարարությունից հայտնել են, որ դեպքի վայր է ուղարկվել շտապօգնության 23 մեքենա։
20 տուժածներից 19-ը ուղարկվել են սովորական հիվանդանոցներ, իսկ մեկը՝ մարզային մայրաքաղաքի համալսարանական հիվանդանոց։ Վիրավորները կապտուկներ, քերծվածքներ և այլ վնասվածքներ են ստացել։
Բախումից հետո երկու վագոն ընկել է ջրանցքը, որոնց հեռացնելու համար դեպքի վայր է ուղարկվել հատուկ տեխնիկա։
