ԱՄՆ նախագահ Դոնալդ Թրամփի՝ իրանական կողմին ուղարկված նամակը, ի թիվս այլ բաների, պարունակում էր սպառնալիքներ Թեհրանի հասցեին։ Իսլամական Հանրապետությունը չի հանդուրժի սպառնալից հնչերանգները, բայց, միևնույն ժամանակ, ամեն ինչ արեց դիվանագիտական քայլերի համար պատուհանը բաց թողնելու համար, հայտարարել է Իրանի արտաքին գործերի նախարար Աբբաս Արաղչին Թեհրանում Ալ-Ղուդսի օրվան նվիրված հասարակական երթերին մասնակցելու ժամանակ։
Նախորդ գիշեր Արաքչին հայտնել էր, որ Թեհրանը պատասխանել է իրանական միջուկային ծրագրի վերաբերյալ Թրամփի նամակին։
«Միացյալ Նահանգների նախագահի նամակը ստացվել և ուշադրությամբ ուսումնասիրվել է, այս նամակում կային նաև այլ ասպեկտներ, այդ թվում՝ սպառնալիքների քննարկում, որն, ամեն դեպքում, անընդունելի է։
Մենք ոչ մեկին թույլ չենք տա Իրանի ժողովրդի հետ խոսել սպառնալից լեզվով. ջանքեր են գործադրվել դիվանագիտական քայլերի համար պատուհան բացելու համար»,- ասել է Արաղչին, իրանցի դիվանագետի խոսքերը հրապարակվել են Իրանի ԱԳՆ Telegram ալիքում։
