Բանգկոկի որոշ կամուրջներ, այդ թվում՝ Ռամա III կամուրջը, որը հատում է Թաիլանդի մայրաքաղաքի կենտրոնում գտնվող Չաո Փրայա գետը, փակվել են հարեւան Մյանմարում տեղի ունեցած երկրաշարժի պատճառով, հայտնում է Bangkok Post-ը։
«Բանգկոկի որոշ կամուրջներ, օրինակ՝ Ռամա III կամուրջը, փակվել են վերջերս տեղի ունեցած երկրաշարժի պատճառով»,- գրում է թերթը։
Ավելի վաղ ուրբաթ օրը Myanmar Now-ն հայտնել էր, որ Մյանմայի հյուսիս-արևմուտքում գտնվող Սագաինգ քաղաքում տեղի ունեցած հզոր երկրաշարժի հետևանքով փլուզվել է կամուրջը: Նաև մասամբ ավերվել է պատմական Մանդալայ պալատը, որը համարվում է քաղաքի գլխավոր խորհրդանիշներից մեկը։
Մյանմարում 7,7 մագնիտուդ ուժգնությամբ երկրաշարժ է տեղի ունեցել, ցնցումները զգացվել են հարևան հինգ երկրներում՝ ներառյալ Թաիլանդի գրեթե ողջ տարածքը։ ԶԼՄ-ների տվյալներով՝ առնվազն երեք մարդ զոհվել է Բանգկոկում, եւս 81 մարդ անհետ կորել է։
