Ուկրաինայի և Ամերիկայի նախարարությունները խորհրդակցություններ են անցկացնում հանքային ռեսուրսների վերաբերյալ նոր համաձայնագրի նախագծի շուրջ։ Այս մասին Reuters-ին հայտնել է Վլադիմիր Զելենսկիի գրասենյակի ղեկավարի խորհրդական Միխայիլ Պոդոլյակը։
«Տարբեր նախարարությունների մակարդակով դեռ շարունակվում են խորհրդակցությունները»,- ասել է նա՝ մեկնաբանելով մամուլում հայտնված նոր համաձայնագրի նախագիծը։
Ավելի վաղ դրա վրա աշխատանքը հաստատել էր Ուկրաինայի առաջին փոխվարչապետ, էկոնոմիկայի նախարար Յուլիա Սվիրիդենկոն։
Ավելի վաղ Վլադիմիր Զելենսկին հայտնել էր, որ ԱՄՆ-ն իսկապես Ուկրաինային է փոխանցել հանքային ռեսուրսների վերաբերյալ նոր համաձայնագրի նախագիծը, որտեղ մանրամասն նկարագրված են երկրի վերականգնման համար հիմնադրամ ստեղծելու պայմանները։
