Բանգկոկի Սուվարնաբհումի միջազգային օդանավակայանը վերսկսել է աշխատանքը երկրաշարժի պատճառով դադարեցվելուց հետո, հաղորդում է թաիլանդական Khaosod պորտալը։
Տեղական The Nation թերթն ավելի վաղ հայտնել էր, որ Թաիլանդի ավիացիոն կարգավորող մարմինը հրահանգել է ժամանակավորապես դադարեցնել թռիչքները ողջ երկրում երկրաշարժի պատճառով։
«Սուվարնաբհումի միջազգային օդանավակայանը կրկին գործարկվում է ուժեղ երկրաշարժի հետևանքով առաջացած կարճատև դադարից հետո», - ասվում է պորտալի հաղորդագրության մեջ:
Ուրբաթ օրը 7,7 մագնիտուդ ուժգնությամբ երկրաշարժ է տեղի ունեցել Մյանմարում, և ցնցումները զգացվել են հարևան հինգ երկրներում, ներառյալ՝ Թաիլանդի գրեթե բոլոր մասերը:
