Կատարը երախտագիտություն է հայտնել երեխաների իրավունքների հարցերով նախագահի հանձնակատար Մարիա Լվովա-Բելովային և Ուկրաինայի Գերագույն Ռադայի օմբուդսմեն Դմիտրի Լուբինեցին՝ ռուս և ուկրաինացի երեխաներին ընտանիքներին վերամիավորելուն ուղղված ջանքերի համար։
Համապատասխան հայտարարությունը հրապարակվել է էմիրության արտաքին գործերի նախարարության կայքում։«Կատարն իր երախտագիտությունն է հայտնում Ռուսաստանի Դաշնության երեխաների իրավունքների հանձնակատար Մարիա Լվովա-Բելովային և Ուկրաինայի Գերագույն Ռադայի մարդու իրավունքների հանձնակատար Դմիտրի Լուբինեցին իրենց շարունակական ջանքերի համար, որոնք հանգեցրել են ընտանիքների հաջող վերամիավորմանը», – ասվում է հաղորդագրությունում։
ԱԳՆ-ը պարզաբանել է, որ մարտին Կատարի միջնորդությամբ ընտանիքներ են վերադարձել ռուս և ուկրաինացի երեխաների երկու խումբ։ Դոհան միջնորդ է հանդես գալիս Մոսկվայի և Կիևի միջև՝ մարտական գոտուց տարված երեխաներին հարազատներին վերադարձնելու հարցում։
