Ուկրաինայի նախագահ Վոլոդիմիր Զելենսկին հայտարարել է, որ ԱՄՆ նախագահն իր հետ շփումներում չի բարձրացրել Ղրիմի տարածքային պատկանելության հարցը։ Նրա խոսքերը մեջբերում է European Pravda-ն։Նա այսպես է պատասխանել այն հարցին, թե ամերիկացի առաջնորդը դիտարկո՞ւմ է Ղրիմը ռուսական տարածք պաշտոնապես ճանաչելու հնարավորությունը՝ որպես պոտենցիալ խաղաղ համաձայնագրի մաս։
«Թրամփն ինձ հետ զրույցում չի բարձրացրել այս հարցը։ Նրա հետ Ղրիմի մասին զրուցել ենք դեռևս սեպտեմբերին՝ Նյու Յորքում։ Նրան հետաքրքրում էր, թե ինչու են ուկրաինացիներն այդքան սիրում Ղրիմը, քանի որ նա լսել է դրա մասին»,- ասել է Զելենսկին։Ուկրաինայի նախագահի խոսքով՝ Թրամփի հետ զրույցում նա ասել է, որ Ղրիմը Ուկրաինայի անբաժան մասն է։
