«Հայկական կողմը, փոխանակ փորձի վերացնել Ադրբեջանի հետ խաղաղության պայմանագրի ստորագրումը խոչընդոտող խնդիրները, զբաղված է մանիպուլյացիաներով՝ փորձելով Ադրբեջանին ներկայացնել որպես խաղաղությամբ չշահագրգռված երկիր»։ Այս մասին ասվում է Ադրբեջանի արտգործնախարարության մամուլի քարտուղար Այհան Հաջիզադեի մեկնաբանության մեջ՝ Հայաստանի արտաքին գործերի նախարար Արարատ Միրզոյանի՝ բրազիլացի գործընկերոջ հետ համատեղ ասուլիսում հնչեցրած հայտարարությունների վերաբերյալ։
Հաջիզադեն նշել է, թե Ադրբեջանը չի անտեսի «Սահմանադրությամբ ամրագրված Հայաստանի շարունակական պահանջները Ադրբեջանի տարածքային ամբողջականության և ինքնիշխանության դեմ», ինչպես նաև «անցած հակամարտության մնացորդները պահպանելու փորձերը՝ ի դեմս Մինսկի խմբի և ԵԱՀԿ այլ կառույցների»։
«Մենք ևս մեկ անգամ ընդգծում ենք՝ համաձայնագրի ստորագրումը հնարավոր կլինի, հենց որ Հայաստանը վերացնի առկա խոչընդոտները»,- նշել է Հաջիզադեն։
