«Հաղորդակցությունների բացման վերաբերյալ Հայաստանի վարչապետի հայտարարությունները ևս մեկ անգամ ցույց են տալիս Հայաստանի ղեկավարության կողմից ստանձնած պարտավորությունների անտեսումը»,- հայտարարել է Ադրբեջանի արտաքին գործերի նախարարության մամուլի քարտուղար Այխան Հաջիզադեն՝ մեկնաբանելով «Խաղաղության խաչմերուկ. միավորելով անվտանգությունն ու ժողովրդավարությունը» խորագրով համաժողովում ՀՀ վարաչպետ Նիկոլ Փաշինյանի ելույթը։
Հաջիզադեի խոսքով՝ Եռակողմ հայտարարության 9-րդ պարբերությունում հստակ նշվում է հաղորդակցությունները բացելու վերաբերյալ Հայաստանի պարտավորությունները, և թե ինչ ձևով է կազմակերպվելու տրանսպորտային հաղորդակցությունների վերահսկողությունը։
Ադրբեջանի ԱԳՆ խոսնակը նաև անհիմն մեղադրանքներ է հնչեցրել հայկական կողմի հասցեին ու պնդել, թե իբր Ադրբեջանում այլևս հայ ռազմագերիներ ու պատանդներ չկան։
