Եվրոպական երկրները, որոնք այժմ ձևացնում են, թե ամենաշատն են աջակցում Ուկրաինային, կխանգարեն նրա անդամակցությանը Եվրամիությանը, հայտարարել է Սլովակիայի վարչապետ Ռոբերտ Ֆիցոն։
«Մենք կկանգնենք Ուկրաինայի կողքին Եվրամիությանը նրա անդամակցության հարցում, և այն երկրները, որոնք ամենից շատ ձևացնում էին, թե սատարում են Ուկրաինային, Եվրամիությունում Ուկրաինայի դեմ կլինեն։
Կարծում եմ, որ մեծ երկրները կանեն ամեն ինչ, որպեսզի հնարավորինս երկար հետաձգեն Ուկրաինայի անդամակցությունը Եվրամիությանը»,- ասել է Ֆիցոն խորհրդարանի Եվրոպական հարցերի հանձնաժողովի հանդիպման ժամանակ՝ նախքան ԵՄ գագաթնաժողովին մասնակցելու Բրյուսել մեկնելը։
Նա նշել է, որ Ուկրաինան պետք է համապատասխանի Եվրամիությանն անդամակցելու համար անհրաժեշտ պահանջներին, իսկ Սլովակիան պատրաստ է կիսվել այդ հարցում իր փորձով։
Սլովակիան նախկինում պաշտպանել է ԵՄ անդամ դառնալու Ուկրաինայի հավակնությունները և խոստացել է չմիջամտել դրան։ Ֆիցոն նշել է, որ Ուկրաինայի՝ Եվրամիությանն անդամակցության գործընթացը կդանդաղեցնեն այն երկրները, որոնք ակտիվորեն աջակցում են հակամարտության շարունակմանը։
