Միացյալ Նահանգները պետք է կապեր հաստատի Ռուսաստանի Դաշնության հետ, այն ունի արժեքավոր տնտեսական ռեսուրսներ։ Այս մասին հայտարարել է ԱՄՆ նախագահ Դոնալդ Թրամփը։
«Մենք պետք է բիզնես անենք Ռուսաստանի հետ: Նրանք այսօր աշխարհում ամենամեծ տարածքն ունեն՝ ավելի մեծ, քան Չինաստանը: Նրանք ունեն 11 ժամային գոտիներ: Դուք կարող եք թռչել 11 ժամային գոտիներ երկրի մի անկյունից մյուսը: Նրանց հողը լի է արժեքավոր ռեսուրսներով»,- ասել է ամերիկյան վարչակազմի ղեկավարը Breitbart News-ին տված հարցազրույցում:
Մարտի 18-ին Թրամփը և ՌԴ նախագահ Վլադիմիր Պուտինը հեռախոսով քննարկել են Ուկրաինայում ստեղծված իրավիճակը, էսկալացիայի կանխման պայմանները և մի շարք միջազգային թեմաներ։
Ինչպես հաղորդում է Կրեմլի մամուլի ծառայությունը, առաջնորդները քննարկել են ոլորտների լայն շրջանակ, որոնցում Մոսկվան և Վաշինգտոնը կարող են համագործակցություն հաստատել, այդ թվում՝ ապագայում տնտեսության և էներգետիկայի ոլորտում փոխշահավետ համագործակցության հնարավորությունը։
