Ինչպես հայտնում են ադրբեջանական ԶԼՄ–ները, Զաքիր Հասանովն ընդգծել է, որ Ադրբեջանի գլխավոր նպատակը բանակի ռազմական հզորության և մարտունակության, ինչպես նաև մասնագիտական պատրաստվածության աճն է։
Նիստի ընթացքում վերլուծվել է սահմանին տիրող օպերատիվ իրավիճակը, հնչել են զեկույցներ առկա իրավիճակի վերաբերյալ։ Հասանովը կոնկրետ հանձնարարականներ է տվել՝ «պահպանել զորքերի մարտունակությունը բարձր մակարդակի վրա, ուժեղացնել զգոնությունը և կանխարգելիչ միջոցառումներ ձեռնարկել «պայմանական» սահմանին «ռեւանշիստական ուժերի» բոլոր հնարավոր սադրանքները ճնշելու համար»։
