ԱՄՆ-ը չի ցանկանում Ռուսաստանի և Չինաստանի հետագա մերձեցում, սակայն ակնկալում է երկու երկրների հետ հարաբերությունների բարելավում։ Այս մասին ԱՄՆ նախագահ Դոնալդ Թրամփը հայտարարել է երեքշաբթի օրը հեռարձակված Fox News հեռուստաալիքին տված հարցազրույցում։
Ամերիկացի առաջնորդն ընդգծել է, որ «չի ցանկանում, որ Ռուսաստանն ու Չինաստանը սերտաճեն»։«Մենք ձգտում ենք բարելավել հարաբերությունները երկու երկրների հետ։ Կարծում եմ՝ Չինաստանի նախագահ Սի Ծինփինը կցանկանա բարելավել հարաբերությունները, և կարծում եմ, որ Ռուսաստանը ցանկանում է բարելավել հարաբերությունները Միացյալ Նահանգների հետ:
Ես նաև կարծում եմ, որ մենք շատ տարբեր երկիր ենք, քան ընդամենը մի քանի ամիս առաջ: Հիմա մենք հարգված երկիր ենք։ Մեզ չէին հարգում։ Մենք ունեինք ոչ կոմպետենտ ղեկավարություն։
Հիմա ՌԴ-ն ու Չինաստանը երեւի ընկերներ են, բայց մենք երկու երկրների հետ էլ ընկերներ կլինենք»,- ասել է պետության ղեկավարը։
