Չինական «Ecovacs» ընկերության ռոբոտ-փոշեկուլներն սկսել են անպարկեշտ արտահայտություններ բղավել ԱՄՆ-ում։ Դրա պատճառ է դարձել հաքերային հարձակումը, հայտնում է ABC News-ը։
Հանցագործները վերահսկողության տակ են վերցրել «Ecovacs Deebot X2» ռոբոտ փոշեկուլները ԱՄՆ մի քանի քաղաքներում՝ վերահսկելով դրանց շարժը և ներկառուցված բարձրախոսների միջոցով բղավելով վիրավորանքներ: Մինեսոտայի իրավաբան Դենիել Սվենսոնը բախվել է այս խնդրին, երբ նրա ռոբոտը սկսել է տարօրինակ վարքագիծ դրսևորել և ռասիստական արտահայտություններ բղավել։
Նմանատիպ միջադեպեր են գրանցվել մի շարք մարդկանց մոտ ԱՄՆ-ում: Մի դեպքում ռոբոտը հետապնդել է տիրոջ շանը, իսկ մյուս դեպքում՝ գիշերը հայհոյանքներ է հնչեցրել։ Սվենսոնը բողոք է ներկայացրել «Ecovacs»-ին:
Ընկերությունը հետաքննություն է անցկացրել և որոշել հարձակվողի IP հասցեն՝ անջատելով այն։ «Ecovacs»-ը նամակում հայտնել է, որ Սվենսոնի հաշիվը ենթարկվել է կիբերհարձակման՝ հավատարմագրերի փոխարինման միջոցով:
Կիբերանվտանգության ոլորտի հետազոտողները նախկինում զգուշացրել էին «Ecovacs»-ին PIN կոդի հետ կապված խնդրի մասին, որը ստուգվում էր միայն հավելվածի կողմից, այլ ոչ սերվերի կամ ռոբոտի կողմից։
«Predstavitel Ecovacs»-ը հայտնել է, որ թերությունն արդեն վերացվել է։Ընկերությունը նաև նամակ է ուղարկել հաճախորդներին՝ խնդրելով փոխել գաղտնաբառերը և հայտնել, որ նոյեմբերին կթողարկի անվտանգության թարմացում X2 սերիայի սեփականատերերի համար։
