ՌԴ Անվտանգության խորհրդի փոխնախագահ Դմիտրի Մեդվեդևը, մեկնաբանելով ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի զրույցը, X սոցիալական ցանցում գրել է՝ Ռուսաստանի Դաշնությունն ու ԱՄՆ-ն սրճարանում են, իսկ ճաշացանկում բրյուսելյան կաղամբ է, բրիտանական ձուկ և չիփս, փարիզյան աքաղաղ և կիևյան կոտլետ։Պուտինն ու Թրամփը երեքշաբթի հեռախոսազրույց են ունեցել։
Ըստ Կրեմլի մամուլի ծառայության՝ զրույցի ընթացքում երկու երկրների ղեկավարները քննարկել են ուկրաինական ռազմական հակամարտության կարգավորումը, ինչպես նաև փոխադարձ շահագրգռվածություն են հայտնել հարաբերությունների կարգավորման հարցում՝ աշխարհում անվտանգության և կայունության ապահովման համար իրենց հատուկ պատասխանատվության լույսի ներքո։
«Նախագահներ Պուտինի և Թրամփի հեռախոսազրույցը հաստատեց հայտնի միտքը։ Ճաշարանում միայն Ռուսաստանն ու Ամերիկան են։
Ճաշացանկում թեթև խորտիկներ են՝ բրյուսելյան կաղամբ, բրիտանական ձուկ և չիփս և փարիզյան աքաղաղ։ Հիմնական ուտեստը կիևյան կոտլետն է։ Վայելե՛ք ճաշը», - գրել է Մեդվեդևը։
