ՌԴ ԱԳՆ պաշտոնական ներկայացուցիչ Մարիա Զախարովան RT-ին տված հարցազրույցում հայտարարել է, որ Ռուսաստանը հայելային պատասխան կտա այս հեռուստաալիքի և ռուսական այլ լրատվամիջոցների նկատմամբ Սպիտակ տան կողմից պատժամիջոցներին և ճնշումներին։
«Միջոցառումներ կուղղվեն ամերիկյան լրատվամիջոցներին, ամերիկացի լրագրողներին, որպեսզի նրանք հասկանան, թե ինչ է գործընկերների նկատմամբ բուլինգը»,- ասել է նա։
Նրա խոսքով՝ դա արվելու է «որպեսզի մտածեն, թե ինչ երկում են ապրում և ինչ չարիքի են ծառայում»։ Զախարովան հայտարարել է նաև, որ ԱՄՆ-ի կողմից ռուսական լրատվամիջոցների դեմ կիրառվող պատժամիջոցները դուրս են եկել սահմանափակումների սահմանից, Վաշինգտոնը պատերազմ է հայտարարել խոսքի ազատությանը։
Զախարովայի խոսքով՝ ԱՄՆ-ն մտացածին պատրվակներով «հարձակվում» է այդ թվում նաև լրագրողների վրա: Նրանց անձնական անվտանգությունն այժմ վտանգի տակ է, հավելել է նա:
